Et Spanien Leed

Sänger einer Kult-Band: Der Hennefer Mirko Bäumer (3.von rechts) und die legendären Bläck Fööss.

Bläck Föös live

Bläck Föös

Et Spanien Leed

Text und Musik: Bläck Föös

 

1. Jedes Johr em Sommer jeit dat Spillche widder loss.

Met Sack un Pack noh Spanien weil et do jo nit vill koss.

Mer fleje dann me'm Neckermann vun Wahn noh Benidorm,

do weede mer schön brung unsin su richtich jroß en Form.

 

Refrain:

Nä Nä Marie is dat he schön, üvverall nur kölsche Tön.

Nä he süht et wirklich us wie bei uns zohus,

he fählt nur vum Balkon die Aussich op d'r Dom!

La la la lalalala ...

 

2. Am eetste Ovend weed direk e Babekju jemaaht.

Et weed jejrillt, die Wööschjer han m'r selver mitjebraaht

Mer drinken Cuba Libre un Sangriazum Schluß,

als echte Kölsche föhlt m'r sich doch üvverall zohus.

 

Refrain:

Nä Nä Marie is dat he schön, üvverall nur kölsche Tön.

Nä he süht et wirklich us wie bei uns zohus,

he fählt nur vum Balkon die Aussich op d'r Dom!

La la la lalalala ...

 

3. Am nächste Morje triff mer sich öm zehn Uhr dann am Strand,

en Zeidung us d'r Heimat un et Radio im Sand.

Em zwölf Uhr jitt et Meddach, em Hotel is wärm jekoch'.

Ähzezupp mit Hämmche jitt et eimol in d'r Woch.

 

Refrain:

Nä Nä Marie is dat he schön, üvverall nur kölsche Tön.

Nä he süht et wirklich us wie bei uns zohus,

he fählt nur vum Balkon die Aussich op d'r Dom!

La la la lalalala ...

 

4. Nohmeddachs öm zwei, do maache mir dann ehsch en Tour,

med achzich Mann em Bus un dat för paar Pesete nur.

Drei Stunde durch de Stadt, do kriste wirklich vill ze sinn

un Eines, dat es jetz schon klor, he fleje m'r widder hin.

 

Refrain:

Nä Nä Marie is dat he schön, üvverall nur kölsche Tön.

Nä he süht et wirklich us wie bei uns zohus,

he fählt nur vum Balkon die Aussich op d'r Dom!

La la la lalalala ...